Prawie òsta wëdónô pierszô platka "Lutni", pt. "Bògù spiewac chcã!". Mòżna jã kùpic w lëzyńsczim GOK-ù za jedurné 15zł.

Nagriwóné bëło w Studio Radia Gduńsk, realizatórą béł Jack Pùchalsczi. Wëdanié platczi chùru je zrzeszoné z przëpôdającą w tim rokù 10- tą roczëzną jegò stwòrzeniô.

„Lutnia”- szteregłosowi chùr miészóny, dzejô przë Gminnym Òstrzódkù Kùlturë w Lëzënie. Repertuar karna skłôdô sã wnetka w 100% z dokazów kaszëbsczich. Próbë chùru prowadzoné są leno pò kaszëbskù.
Pòstrzód nagrónëch piesni są „bòżé” i „kòzé”. Z tëch pierszëch nalézeta: maryjné, gòdné, wiôlgòpòstné ë przigòdné (w tim gòspel); z drëdżich, np. kaszëbsczé „Yesterday”.
Hewò je spisënk:


1. „W kaszëbsczich stronach”- sł. i mùz. ks. Antoni Peplińsczi, aranż Tomôsz Fópka
2. „Mòje stronë”- sł. Jan Piépka, mùz. Wacłôw Kirkòwsczi, aranż Tomôsz Fópka
3. “Rëbacczé namienienié”- sł. Eugeniusz Prëczkòwsczi, mùz. i aranż Tomôsz Fópka
4. „Bôtë ju jidą”- sł. Eugeniusz Prëczkòwsczi, mùz. Jerzi Stachùrsczi, aranż Tadeùsz Fòrmela
5. „Teskniączka”- sł. Jan Karnowsczi, mùz. Wacłôw Kirkòwsczi, aranż Tomôsz Fópka
6. „Ach, Sybir nen”- sł. Eugeniusz Prëczkòwsczi, mùz. autor nieznóny, aranż Tomôsz Fópka, solo: Stanisłôw Perszón
7. „Zawczora“ – sł. Tomôsz Fópka, mùz. The Beatles, aranż Tomôsz Fópka
8. “Matkò Bòżô”- sł. Jaromira Labùdda, mùz. Tomôsz Fópka, aranż Tadeùsz Fòrmela
9. „Niebnô droga”- sł. Eugeniusz Prëczkòwsczi, mùz. Wacłôw Kirkòwsczi, aranż Tomôsz Fópka
10. „Żegnôj swiat całi”- sł. Eugeniusz Prëczkòwsczi, mùz. Tomôsz Fópka, aranż Karol Nepelsczi
12. „Swiat przed Tobą klãkł”- sł. Jan Rompsczi, mùz. i aranż Renata Gleinert
13. „Drzewò żëcygò”- sł. br. Zbigniew Joskòwsczi OFM Conv., mùz. i aranż Tomôsz Fópka
14. „Pón czedës stanął na sztrądze”- sł. Eugeniusz Gòłąbk, mùz. Cesareo Gabarain, aranż Tomôsz Fópka, solo: Bartk Kùnc
15. „Òtemknij serce”- sł. mùz. i aranż Tomôsz Fópka
16. „Bóg prowadzy mie”- sł. mùz. i aranż Tomôsz Fópka
17. „Jezës wiedno przë ce je”- sł. mùz. i aranż Tomôsz Fópka, solo: Bartk Kùnc
20. „Hewò Bóg dôł nóm...”- sł. mùz. i aranż Tomôsz Fópka

Chùr miôł donëchczôs pôrãset kòncertów, w tim téż za greńcą Pòlsczi, w Niemcach.
Òkróm spiewaniô chùr zajimô sã téż òrganizacyjną robòtą- w ùszłim rokù zòrganizowôł Pierszi Zjôzd Kaszëbsczich Spiéwôków. „Lutnia” mô swòjich przedstôwców we władzach Pòlsczégò Związkù Chùrów i Òrkestrów i Radë Kaszëbsczich Chùrów.

Przez pierszé 6. lat kaszëbizna karna ògreńcziwa sã do pôra leno sztëczków- jak w wikszoscë chùrów na Kaszëbach...
Szterë lata temù, direktor GÒK-ù, Maria Krosnickô w plac chòri Bernadetë Beńtkòwsczi, na dirigeńta przëjã Tomasza Fópkã- zgòdza sã przë tim na zmiana lënii chùru na zabédowóną przez „nowégò” a zaakceptowóną przez chùr „kaszëbską stegnã”. Przédnikã „Lutni” je Zygmùnt Brzezyńsczi- szôłtës Lëzëna.