23 i 24 zélnika, w studiu gduńsczégò radia nagróné òstało 15 nowëch kaszëbsczëch dokazów mùzycznëch.
- To brzëmi jak zôpadny sztëczk- rzekł Jack Pùchalsczi, realizatóra zwãkù, przë nagriwanim „Tej pòjma dali” przez Bartka Kùnca (dobiwcã zdrzélnikòwi Szansë na Dobëcé) z Lëzëna.
Bartk sóm przërëchtowôł aranże i zaspiéwôł swòjã solówkã i téż chùrczi.
- To bëła warkòwô robòta- dodôł Pùchalsczi.
Taczich dokazów bëło wicy, jak chòcbë „Trzë krze na rzmie” zaspiéwóné przez raperów z RK-SQAD. Dało sã téż czëc karna „Prôwda” i „Drësze” z Lëzëna. Pierszé grającé młodzeznowi pop, drëdżi pòezją spiéwóną. Jinégò dëcha wprôwadzëła Asza Szréder, chtërna zaspiéwa miełotną piesniã przë fòrtepianowim akompaniameńce Jerzégò Stachùrsczégò, chtëren je prowadnikã negò całégò mùzycznégò projektu. Òd stronë jãzëkòwi pilowôł Genk Prëczkòwsczi. Nad robòtą z młodima artistama czuwôł Tómk Fópka.
Dzél mùzyczi (w całoscë aranżów), zrobiałë same karna, wëkònôwcë.
Dobrzińcã nagraniô bëlë: Radio Gduńsk i Wójta Gminë Lëzëno.
Hewò, co òstało nagróné:
Karno „Drësze” z Lëzëna:
- „Spiéwné kwiôtczi”- sł. E. Prëczkòwsczi, mùz. T. Dargacz
- „Lubny gòscu”- sł. E. Prëczkòwsczi, mùz. J. Stachùrsczi
- „Rëbacczé namienienié”- sł. E. Prëczkòwsczi, mùz. T. Fópka
- „A deszcz wcyg leje”- sł. E. Prëczkòwsczi, mùz. „Drësze”
Karno „Prôwda” z Lëzëna
- „Mòdłów zwón”- sł. E. Prëczkòwsczi, mùz. J. Stachùrsczi
- „Pòkrok”- sł. E. Prëczkòwsczi, mùz. J. Stachùrsczi
- „Snôżô nad perłë”- sł. E. Prëczkòwsczi, mùz. J. Stachùrsczi
- „Pòsobnik”- sł. T. Fópka, mùz. J. Stachùrsczi
Karno RK-SQAD z Żukòwa
- „Jidã..”- sł. T. Fópka, mùz. RK-SQAD
- „Trzë krze na rzmie”- sł. T. Fópka, mùz. RK-SQAD
Asza Szréder z Parchòwa
- „Jedno wspòmnienié”- sł. E. Prëczkòwsczi, mùz. J. Stachùrsczi
Bartk Kùnc z Lëzëna
- „Zdrzącë bez rutë”- sł. i mùz. T. Fópka
- „Të miała taczé piãkné òczë”- sł. i mùz. T. Fópka
- „Tej pòjma dali”- sł. T. Fópka, mùz. B. Kùnc
Tómk Fópka z Chwaszczëna
- "Na sztrąd"- sł. E. Prëczkòwsczi, mùz. T. Fópka, aranż K. Nepelsczi- nagróny 15.09.2004r.